Charta qua Gotaldus et uxor ejus Rosembergia dant monasterio Cluniacensi campum in villa Canevas.
In Domino fratribus. Ego Gotaldus et uxor mea Rosembergia donamus Deo et sanctis apostolis ejus Petro et Paulo et ad locum Cluniacum, ubi donnus Maiolus, abba, magis prodesse quam preesse videtur, unum campum situm in comitatu Matisconensi, in agro Ma
ciacensi, in villa Canavas, a Noeredes vocatur; qui terminatur de tribus partibus terra Sancti Petri, de quarta parte Sancti Vincentii. Facimus autem hanc donationem in loco sepulturę et pro remedio animarum nostrarum, in tali tenore ut, quandiu vixerimus, usum fructuarium habeamus, et singulis annis, in vestitura, tashias donabimus; post nostrum vero discessum, ad Sanctum Petrum et nos et ipse campus, nemine contradicente, perveniamus. Qui autem contradixerit, auri libras II componat, et postea nostra donatio firma stabilisque permaneat, stipulatione subnixa. Actum Lordoni castello. S. Gotaldi et uxoris ejus Rosembergię, qui fieri et firmare rogaverunt. S. Bernardi. S. Gadalfredi. S. Tetbranni. S. Arimbaldi. S. Tetbranni. Data per manum Girbaldi, presbiteri, feria II, mense aprilis, anno XXVIII Lotharii regis.